Біз туралы

USTAZ MEDIA – бұл Қазақстандық педагогтардың кәсіби біліктілігін арттыруға, олардың кәсіби өсуіне және өзара қолдау мен ынтымақтастыққа негізделген мұғалімдер қауымдастығын құруға арналған заманауи білім беру платформасы.

Біздің курстар Қазақстан Республикасы Оқу-ағарту министрлігі бекіткен біліктілікті арттыру бағдарламаларының ресми тізіміне енгізілген. Курсты аяқтағаннан кейін берілетін сертификаттар аттестацияға 100% жарамды.

Сонымен қатар, біз біліктілік емтихандарына дайындық курстарын ұсынамыз және педагогтар өздерінің ғылыми мақалаларын жариялай алатын журналымыз да бар. Бұл журналдағы жарияланымдар да аттестация талаптарына сай болып табылады.

USTAZ MEDIA жасанды интеллект технологияларын белсенді түрде пайдалана отырып, мұғалімдердің жұмысын жеңілдетеді, күнделікті рутиналық процестерді автоматтандырады және оқу үдерісінің тиімділігін арттырады.

Біздің миссиямыз – педагогтардың кәсіби дамуына және мансаптық өсуіне арналған ашық, инновациялық кеңістік құру.

15 жылдық тәжірибе барысында USTAZ MEDIA командасы ондаған ірі білім беру жобаларын сәтті жүзеге асырды. Солардың ішінде — EDUSER ONLINE ҰБТ-ға дайындық курсы. 2025 жылы ҰБТ-дан 140/140 рекордтық балл шығарған курс. Бұл нәтиже әдістемеміздің тиімділігін дәлелдеп, біздің тренерлер мен менторлардың деңгейін көрсетті.

Тағы бір мақтанышымыз — EDUSER APP мамандық пен университет таңдауға арналған инновациялық цифрлық платформа. Бүгінде ол жасанды интеллект, психология және деректер талдауын біріктіретін Қазақстандағы №1 кәсіби бағдарлау жүйесіне айналды.

Біз Ұлттық тестілеу орталығының (ҰТО) ресми серіктесіміз — бұл ұйым Ұлттық бірыңғай тестілеуді (ҰБТ) және педагогтардың білімін бағалау жүйесін (ПББ) өткізеді. Мұндай серіктестік біздің командаға деген жоғары сенім мен білім беру бағдарламаларымыздың сапасын дәлелдейді.

Сонымен қатар, USTAZ MEDIA — халықаралық Astana Hub IT-паркінің резиденті, бұл бізге заманауи цифрлық технологиялар мен жасанды интеллектті білім беру саласына интеграциялауға мүмкіндік береді.

Біз Қазақстанның білім беру экожүйесін дамытуда педагогтарға, студенттер мен оқушыларға өсуге, үйренуге және жаңа мүмкіндіктер ашуға көмектесетін жобаларды жүзеге асыруды жалғастырып келеміз.

Біздің мақсатымыз — қазақстандық білім беруді инновациялық, қолжетімді және болашаққа бағытталған ету.